ՈՒՂԻՂ. Վարչապետ Նիկոլ Փաշինյանը Վազգեն Սարգսյանի ծննդյան առիթով այցելել է ԵԿՄ

Վարչապետ Նիկոլ Փաշինյանը Սպարապետ Վազգեն Սարգսյանի ծննդյան 61-ամյակի առիթով այցելել է Երկրապահ կամավորականների միություն. հայտնում է Yerkir.am-ը:

Ավելի վաղ տեղեկացրել էինք, որ այսօր հայ ռազմական և քաղաքական գործիչ, Հայաստանի Ազգային հերոս, Արցախի հերոս Վազգեն Սարգսյանի ծննդյան օրն է:

Վազգեն Սարգսյանն եղել է ՀՀ առաջին պաշտպանության նախարարը 1991-1992 թվականներին և այնուհետև՝ 1995-1999 թվականներին: Նա նաև եղել է Հայաստանի Հանրապետության վարչապետ 1999 թվականի հունիսի 11-ից մինչև իր սպանությունը՝ նույն թվականի հոկտեմբերի 27-ը: Նա իր ակտիվ գործունեությունը սկսել է 1988 թվականին Ղարաբաղյան շարժման ժամանակ, որի նպատակն էր Լեռնային Ղարաբաղի միացումը Հայաստանին:

Հիշեցնենք՝ ավելի վաղ ՀՀ բարձրաստիճան պաշտոնյաներն ու մի շարք քաղաքացիներ, ավանդույթի համաձայն, այցելել էին Եռբալուր պանթեոն: Նրանց հետ էր նաև ՀՀ նախագահ Արմեն Սարգսյանը:

Վարչապետի այցին առաջարկում ենք հետևել ուղիղ հեռարձակմամբ.