Կորոնավիրուսի դեմ պայքարի համար բժշկական սարքավորումների գլոբալ դեֆիցիտի սպառնալիք կա. ԱՀԿ

Առողջապահության համաշխարհային կազմակերպությունը (ԱՀԿ) զգուշացնում է կորոնավիրուսի դեմ պայքարի համար բժշկական սարքավորումների գլոբալ դեֆիցիտի սպառնալիքի մասին. հայտնում է Yerkir.am-ը՝ Reuters լրատվական գործակալությանը հղումով:

Նշվում է՝ այդ առնչությամբ ԱՀԿ-ն դիմել է համապատասխան ընկերություններին և երկրների կառավարություններին՝ կոչ անելով 40%-ով մեծացնել բժշկական սարքավորումների արտադրությունը:

Հիշեցնենք՝ ավելի վաղ Համաշխարհային բանկը 12 մլրդ դոլար է հատկացրել կորոնավիրուսի տարածման դեմ պայքար մղող զարգացող երկրներին:  

Yerkir.am-ն ավելի վաղ տեղեկացրել էր, որ չինական Ուհան քաղաքում բռնկված ու ողջ աշխարհում տարածում գտնող անհայտ տիպի կորոնավիրուսով վարակվածների թիվն օր օրի աճում է։ Կորոնավիրուսի բռնկման մասին չինական իշխանությունները ԱՀԿ-ին տեղյակ էին պահել  դեռևս դեկտեմբերին:

Մարտի 4-ի ժամը 17.03-ի տվյալներով՝ ողջ աշխարհում 94.225 կորոնավիրուսակիր կա, որից 3.124-ը՝ մահվան, իսկ 51.026-ը՝ առողջացան դեպքեր են: