Պենտագոնի ղեկավարը հայտարարել է, որ ԱՄՆ օդուժը չի աջակցի Թուրքիային. Ալ-Մասդար

Պենտագոնի ղեկավար Մարկ Էսպերը հայտարարել է, որ ԱՄՆ-ի օդային աջակցություն չի ցուցաբերի Թուրքիային՝ Սիրիայի Իդլիբ շրջանում. հայտնում է almasdarnews.com կայքը:

Վաշինգտոնում լրագրողների հետ զրույցի ընթացքում Էսպերը նշել է, որ ԱՄՆ-ն ձգտում է մեծացնել Թուրքիային հումանիտար օգնության մատակարարման ծավալները, այն բանից հետո, երբ փետրվարի 27-ին բախումների հետևանքով սպանվել էր 33 թուրք զինվոր: Այն հարցին, թե արդյոք ԱՄՆ-ն պատրաստվում է օդից աջակցություն ցույց տալ Թուրքիային, Էսպերը բացասական պատասխան է տվել:

Պենտագոնի ղեկավարը նշեց նաև, որ հեռախոսազրույց է ունեցել ՆԱՏՕ-յի գլխավոր քարտուղար Յենս Ստոլտենբերգի հետ Սիրիայի հարցով, և դաշինքը պատրաստ է ամեն տեսակ զարգացման. հայտնում է Yerkir.am-ը:

Սիրիայի Իդլիբի շրջանում վերջին մեկ ամսվա ընթացքում առաջացած լարվածության ֆոնին, երբ բախվեցին «դաշնակիցներ» Ռուսաստանի ու Թուրքիայի շահերը, Թուրքիան դիմել էր ԱՄՆ-ին «Պատրիոտ» ՀՕՊ համակարգերի համար, որից ժամանակին հրաժարվել էր (սկզբում ԱՄՆ-ն չէր համաձայնվել մատակարարել) հօգուտ ռուսական Ս-400-ների: