Ռուս զինվորականները սիրական բանակի համազգեստով հարձակվում են թուրքերի վրա. Sözcü

Թուրքական ընդդիմադիր Sözcü թերթի լրագրող Սայգը Օզթյուրքը իր հոդվածում մեղադրել է ռուս զինվորականներին այն բանում, որ նրանք հագնում են սիրիական բանակի համազգեստ և հարձակումներ կատարոըմ թուրք զինծառայողների դեմ. ըստ Yerkir.am-ի՝ հայտնում է Sözcü–ն:

Ըստ լրագրողի՝ Սիրիայում թուրք զինվորականներն անընդհատ սադրանքների են ենթարկվում: Երեխաները քարեր են նետում թուրքական շարասյան վրա, զրահապատ մեքենաներ տեղափոխող բեռնատարներն այրում են: Եվ դա արվում է սիրիական բանակային համազգեստով, սակայն, «սիրիական բանակի համազգեստ հագածներից ոչ բոլորն են սիրիացի»:

«Երբ Ռուսաստանի քաղաքականությանը հակառակ զարգացումներ են տեղի ունենում, Սիրիային ասում է «Դե, հարվածի՛ր»: Բայց իրականում հարվածողն էլ է ինքը: Որովհետև ռուսական համազգեստը հանում են և հագնում են սիրիականը», - գրում է հոգվածագիրը:

Օզթյուրքը նաև հայտնում է, որ մի շարք սիրիացի գեներալներ և բարձրաստիճան զինվորականներ ամուսնացած են ռուս կանանց հետ: