Արթուր Վանեցյանը նոր մամուլի խոսնակ ունի

ԱԱԾ նախկին տնօրեն Արթուր Վանեցյանը մամուլի խոսնակ ունի։ Նա ոլորտի երկարամյա ներկայացուցիչ Քրիստինե Մելքոնյանն է։ Վերջինս 2000թթ աշխատել է ՀՀ կառավարությանն առընթեր տնտեսական բարեփոխումների վերլուծական տեղեկատվական կենտրոնում` որպես հեռուստառադիոփորձագետ: «Նոյան տապան» հեռուստաընկերությունում աշխատել է որպես լուրերի հաղորդավար: Թղթակցել է «Ար» հեռուստաընկերությանը:

2000թ-ից աշխատում է  Հայաստանի հանրային հեռուստաընկերությունում: 2000-01թթ վարել է «Երեկոյան Երևան» հաղորդաշարը:

2009-10թթ դասախոսել է Երևանի պետական տնտեսագիտական համալսարանում:  2001թ-ից աշխատում էր «Առաջին» լրատվական ծրագրում` որպես մեկնաբան:

Մոտ 20 տարվա համագործակցությունից հետո նա 2019-ին լքեց Հանրայինը։ 2013-ից, երբ գլխավոր դատախազ նշանակվեց Գեւորգ Կոստանյանը, Մելքոնյանը նրա մամուլի խոսնակն էր մինչեւ Կոստանյանի հեռանալը: