Եթե չլինեին Ռուսաստանն ու Իրանը, Սիրիայում կհաղթանակեին ահաբեկիչները. Լևան Ճաղարյան՝ Իրանում ՌԴ դեսպան

Ահաբեկիչները այս պահին կարող էին Սիրիայում հաղթանակած լինեին, եթե այդ դրությանը չմիջամտեին Ռուսաստանն ու Իրանը. այս մասին, ըստ Yerkir.am-ի, հայտնում է Իրանում ՌԴ դեսպան Լևան Ճաղարյանը՝ պատասխանելով լրագրողների հարցին:

«Մեր ջանքերի շնորհիվ Բաշար Ասադի օրինական կառավարությունը գտնվում է իշխանության գլխին: Նույնիսկ մեր չկամեցողներըն են ստիպված դա ընդունել», - Ճաղարյանի խոսքերն է մեջբերում «ՏԱՍՍ» գործակալությունը:

Դիվանագետը նշում է, որ Թեհրանի և Մոսկվայի հարաբերությունները զարգանում են վերջին մի քանի տարիներին և դա պայմանավորված է նրանով, որ մի շարք խնդիրների շուրջ երկու երկրների շահերը համընկնում են:

«ՌԴ-ի և Իրանի համար ահաբեկչության դեմ պայքարը համարվում է ընդհանուր մարտահրավեր: Բացի այդ, մեր երկրները գտնվում են արևմտյան պատժամիջոցների տակ: Դա էլ ավելի է մեզ մտերմացնում», - նշում է Ճաղարյանը: