ՏԵՍԱՆՅՈՒԹ. «Էրեբունի պլազա»-ում կրակոցներ արձակած տղամարդը ոստիկանության պետի ծառայողական մեքենայով տեղափոխվեց ոստիկանություն

ՀՀ ոստիկանության պաշտոնական կայքը տեղեկացնում է. «Ժամը 14.40-ին ոստիկանությունում ահազանգ է ստացվել, որ «Էրեբունի պլազա» հյուրանոցում զինված անձ կա, որը կրակում է։ Անմիջապես դեպքի վայր են մեկնել ոստիկանության ղեկավար կազմն ու օպերատիվ խմբեր։

Ոստիկանության ղեկավար կազմը՝ ոստիկանության պետի պաշտոնակատար Արման Սարգսյանի գլխավորությամբ բանակցություններ է վարել զինված տղամարդու հետ, ինչից հետո անձը հանձնել է հրազենը։

Տղամարդը ոստիկանության պետի պաշտոնակատարի ուղեկցությամբ, նրա ծառայողական մեքենայով տեղափոխվել է ոստիկանություն։

Վնասվածքներ ստացած քաղաքացիներ չկան։

Դեպքի բոլոր հանգամանքները պարզվում են»։

Մանրամասները՝ Yerevan.Today-ի տեսանյութում