Ներկայացուցիչների պալատը Թրամփի իմփիչմենթի վերաբերյալ գործը փոխանցել է Սենատ

Ներկայացուցիչների պալատը կողմ է քվեարկել ԱՄՆ նախագահ Դոնալդ Թրամփի իմփիչմենթի վերաբերյալ գործը Սենատին փոխանցելուն. ըստ Yerkir.am-ի՝ այս մասին հայտնում է Meduza լրատվական գործակալությունը:

Կողմ է քվեարկել 228, դեմ՝ 193-ը կոնգրեսական:

Հիշեցնենք՝ Ներկայացուցիչների պալատը Թրամփի իմփիչմենթի հարցով քվեարկությունն անցկացրել էր դեկտեմբերին: Նախագահին մեղավոր են ճանաչել իշխանության չարաշահման և Կոնգրեսի աշխատանքին խոչընդոտելու մեջ:

Մեղադրական եզրակացությունն անցել է Սենատի տիրույթ. այն վերահսկում են հանրապետականները։ Նախագահին իշխանությունից հեռացնելու համար անհրաժեշտ է սենատորների ձայների 2/3-ը կամ առնվազն 67 քվե, ինչը ներկա իրողությունում քիչ հավանական է։