Թրամփի դեմ իմփիչմենթի հարցով հանրային լսումների երրորդ օրը՝ ուղիղ հեռարձակմամբ

Միացյալ Նահանգներում մեկնարկել է երկրի նախագահ Դոնալդ Թրամփի դեմ իմփիչմենթի հարցով հանրային լսումների երրորդ օրը:

Այսօր ցուցմունք են տալու բանակի փոխգնդապետ Ալեքսանդր Վինդմանը և փոխնախագահ Մայք Փենսի խորհրդական Ջենիֆեր Վիլյամսը:

Հիշեցնենք՝ ԱՄՆ նախագահը մեղադրվում է իր իշխանությունը չարաշահելու և առաջիկա նախագահական ընտրությունների ժամանակ Ուկրաինայի կառավարության քաղաքական աջակցությունը փնտրելու մեջ: Դեմոկրատները պնդում են, որ հուլիսին կայացած հեռախոսազրույցի ժամանակ Թրամփը Զելենսկուն ռազմական օգնություն է խոստացել նախագահական ընտրություններում իր հնարավոր մրցակից Ջո Բայդենի որդու նկատմամբ հետաքննություն սկսելու դիմաց: