ԱՄՆ Ներկայացուցիչների պալատը սահմանափակել է Իրանի դեմ պատերազմ սկսելու` Թրամփի իրավունքը

ԱՄՆ Ներկայացուցիչների պալատը երեկ՝ հուլիսի 12-ին, որոշում է ընդունել, որն արգելում է նախագահ Դոնալդ Թրամփին պատերազմ սկսել Իրանի դեմ՝ առանց Կոնգրեսի թույլտվության. տեղեկացնում է BBC-ն:

Որոշման ընդունմանը կողմ է քվեարկել 251 կոնգրեսական, դեմ՝ 170: Այն ներառված է 2020 թվականի ֆինանսական տարվա պաշտպանական բյուջեի նախագծում, որը պետք է հավանության արժանանա երկու պալատների (Ներկայացուցիչներ եւ Սենատ) կողմից, ապա ուղարկվի նախագահ Թրամփի հաստատմանը:

Հիշեցնենք, որ ավելի վաղ ԱՄՆ Սենատը մերժել էր այս որոշումը, որը ներկայացվել էր դեմոկրատ սենատորների կողմից: Իսկ նախագահ Թրամփն էլ, իր հերթին, կարող է վետո կիրառել ընդունված օրինագծի դեմ: