Դավիթ Սանասարյանից գումար պահանջելու մասին հրապարակման առթիվ հարուցված քրգործը կարճվել է

Դավիթ Սանասարյանից գումար պահանջելու մասին հրապարակման առթիվ հարուցված քրգործը կարճվել է՝ ըստ Yerkir.am-ի, այս բովանդակությամբ ֆեյսբուքյան գրառում է արել ՀՀ պետական վերահսկողության ծառայության նախկին պետ Դավիթ Սանասարյանը:

«Հարգելի ընկերներ,

տեղեկացնում եմ, որ այսօր էրեբունու քննչական մարմնի քննիչի կողմից կարճվեց երեխայի պատահարի հետ կապված շորթման գործը։

Ուզում եմ հստակ նշել, որ այս գործում կար երկու ցուցմունք շորթման փաստի վերաբերյալ, որն ըստ քննիչի բավարար հիմք չէր մեղադրանք ներակայացնելու համար։ Սակայն ՊՎԾ «հայտնի գործով» ինձ մեղադրանք առաջադրելու համար երկու կիսատ-պռատ ու շինծու ցուցմունքը համարվեց բավարար, որի արդյունքում ես այսօր ամբաստանյալ եմ եւ լիազորություններս կասեցված են։

Փաստաբանի հետ միասին դեռ կքննարկենք քննիչի որոշումը բողոքարկելու հարցը. իմ նպատակն այդ կնոջը վատություն անելը չէր, այլ հաղորդում տվեցի հանցագործության մասին միայն նրա համար, որ այդ կնոջ կողմից կատարված անթույլատրելի ու հակաօրինական արարքը կանխվի եւ դաս լինի մյուսների համար։

Սիրում եմ բոլորիդ»,-գրել է նա:

Հիշեցնենք, որ Դավիթ Սանասարյանից գումար պահանջելու հրապարակման հիման վրա հարուցվել էր քրեական գործ՝ ՀՀ ՔՕ 182-րդ հոդվածի 1-ին մասի հատկանիշներով։