Իսրայելը Սիրիայում տասնյակ թիրախների վրա է հարձակվել

Իսրայելի պաշտպանության բանակը հայտարարություն է տարածել այն մասին, որ Սիրիայում գրոհել է տասնյակ թիրախների վրա. ըստ Yerkir.am-ի՝ հայտնում է ՌԻԱ «Նովոստի»-ն:

Նոյեմբերի 19-ի լույս 20-ի գիշերը Դամասկոսում որոտացել են պայթյուններ: Սիրիայի պետական հեռուստատեսությունը հաղորդել Է, որ հակաօդային պաշտպանությունը դիմագրավել է մայրաքաղաքի և դրա շրջակայքի վրա ձեռնարկված գրոհը:

«Իսրայելի բանակը նոյեմբերի 20-ին հայտարարել է, որ Սիրիայում գրոհել է բազմաթիվ թիրախների վրա, որոնք պատկանում են «Կուդս» իրանական ուժերին և Բաշար ալ Ասադի բանակին»,- հայտնել է լրատվամիջոցը ու հավելել. «Գրոհը կատարվել է ի պատասխան իրանական ուժերի կողմից Սիրիայի տարածքից Իսրայելի ուղղությամբ հրթիռների արձակման»:

Իրենց հերթին հայտարարություն են տարածել նաև զինվորականները, որում պարզաբանվում է՝ հարվածներ են հասցվել մոտավորապես 20 թիրախի, որոնց կեսից ավելին պատկանում էին իրանական ուժերին: