Իսրայելը հարվածներ է հասցրել Դամասկոսի նահանգում գտնվող մի քանի թիրախների

Իսրայելի զինված ուժերը հարվածներ են հասցրել Դամասկոսի նահանգում գտնվող մի քանի օբյեկտների. ապրիլի 14-ին հայտնել է սիրիական պետական SANA գործակալությունը։

Միջադեպի մանրամասները դեռ չեն հաղորդվում։

Հիշեցնենք, որ ապրիլի 9-ին Իսրայելի ռազմաօդային ուժերը հրթիռային հարվածել էին Սիրիայի հյուսիս-արևմուտքում գտնվող Համա նահանգի Ալ Վուստա շրջանին։ Սիրիայի հակաօդային պաշտպանության ուժերը հետ էին մղել հարձակումը՝ մի քանի հրթիռներ խոցելով։

Իսկ ապրիլի 7-ին Իսրայելը հարձակվել էր Դամասկոսի տարածքում գտնվող դիրքերի վրա՝ սպանելով երկու խաղաղ բնակիչների։

Իսրայելը պարբերաբար փորձում է հրթիռային հարվածներ հասցնել սիրիական տարածքներին։ Ըստ իսրայելական վարկածի՝ հարձակումներն իրականացվում են Սիրիայում «իրանական թիրախների» ուղղությամբ, որտեղ իբր գտնվում են Թեհրանի աջակցությունը վայելող ուժերը։