Այնուամենայնիվ, տեղական տուրքերի բարձրացում նախատեսված է. Երևանի քաղաքապետարանի լրացուցիչ պարզաբանումը

Շինթույլտվությունների նկատելի աճ կա: 2020 թ. տեղական տուրքերի բարձրացում՝ շինարարական վճարների մասով, նախատեսված է, սակայն բյուջեն Երևանի քաղաքապետարանի ավագանու քննարկումների փուլում է, դեռևս հաստատված չէ, այն ավագանու հաստատմանը կներկայացվի դեկտեմբերին. Yerkir.am-ի հետ երկրորդ անգամ զրույցում պարզաբանեց Երևանի քաղաքապետի մամուլի քարտուղար Հակոբ Կարապետյանը՝ անդրադառնալով «Լույս» խմբակցության անդամ Անի Խաչատրյանի այն մատնանշմանը, որ հաջորդ տարվա համար Երևանում տուրքերն ավելացել են:

Հիշեցնենք, որ այսօր Yerkir.am-ն անդրադարձել էր տեղական տուրքերի բարձրացմանը և արդեն հրապարակել Երևանի քաղաքապետի մամուլի քարտուղար Հակոբ Կարապետյանի անդրադարձը տեղական տուրքերի բարձրացման հարցի  և Անի Խաչատրյանի հայտարարության շուրջ: