Սպիտակ տունը հրապարակել է Թրամփի և Զելենսկու առաջին հեռախոսազրույցը

Սպիտակ տունը նոյեմբերի 15-ին հրապարակել է ԱՄՆ-ի նախագահ Դոնալդ Թրամփի և Ուկրաինայի նախագահ Վլադիմիր Զելենսկու միջև կայացած առաջին հեռախոսազրույցը: Այն տեղի է ունեցել 2019 թվականի ապրիլի 21-ին` հուլիսյան հեռախոսազանգից երեք ամիս առաջ, ինչը հիմք հանդիսացավ Թրամփի իմպիչմենտի ընթացակարգը սկսելու համար:

Հեռախոսային խոսակցության տեքստը ոչ թե բառացի սղագրությունն է, այլ բովանդակության շարադրում: Այն կազմված է ԱՄՆ գործողությունների շտաբի և Ազգային անվտանգության խորհրդի հերթապահ սպաների գրառումների և հուշերի վրա, ում վրա է դրված ձայնագրման պատասխանատվությունը:

Նշվում է, որ մի շարք գործոններ ազդում են ձայնագրությունների ճշգրտության վրա, ներառյալ կապի խնդիրները և թարգմանչի կողմից լսածը մեկնաբանելու կամ թարգմանելու տարբերակները: