Սպիտակ տունը հայտնել է Պուտինի եւ Թրամփի հեռախոսազրույցի մանրամասները

ԱՄՆ նախագահ Դոնալդ Թրամփը ՌԴ նախագահ Վլադիմիր Պուտինի հետ քննարկել է երկրների միջեւ առեւտրային հարաբերությունները, հաղորդում է Bloomberg-ը՝ հղում կատարելով Սպիտակ տան հայտարարությանը:

Ավելի վաղ Կրեմլի մամուլի ծառայությունը հայտարարություն էր տարածել, որ ամերիկյան կողմի նախաձեռնությամբ տեղի է ունեցել Պուտին- Թրամփ հեռախոսազրույց: ԱՄՆ առաջնորդը օգնություն է առաջարկել Սիբիրում հրդեհների մարման գործում, իսկ նրա ռուսաստանցի գործընկերը պատասխանել է, որ անհրաժեշտության դեպքում առաջարկից կօգտվի, եւ այդ քայլը գնահատել է որպես 2 երկրների միջեւ ամբողջական հարաբերությունների վերականգնման գրավական:

Սպիտակ տան հայտարարության մեջ նշվում է, որ Թրամփն ու Պուտինը քննարկել են 2 երկրների միջեւ առեւտրային հարաբերությունները, ԱՄՆ նախագահը մտահոգություն է հայտնել՝ կապված Սիբիրում հրդեհների հետ: