Թուրքիան կարող է պատասխանատու համարվել քուրդ գրոհայինների և քաղաքական գործչի մահապատժի համար. ՄԱԿ

Թուրքիան կարող է «պատասխանատու համարվել» քուրդ մի քանի գրոհայինների եւ քաղաքական գործչի մահապատժի համար։ Մահապատժի տեսանյութը հանգստյան օրերին տեղադրվել է սոցցանցերում. հայտնել է ՄԱԿ-ի մարդու իրավունքների գծով հանձնակատար Ռուպերտ Քոլվիլը։

Ըստ ՄԱԿ-ի պաշտոնյայի՝ ինքը ստացել է սպանությունների մասին տեսագրությունները, որոնք, ըստ երևույթին, արվել են «Ահրարա ալ Շաքրիա»-ի գրոհայինների կողմից՝ Մանբիջից ոչ հեռու։

«Թուրքիան կարելի է համարել պետություն, որը պատասխանատվություն է կրում իր հետ կապված խմբերի կողմից կատարված խախտումների համար»,- ասել է Քոլվիլը ու հավելել. «Մենք կոչ ենք անում  թուրքական իշխանություններին՝ անհապաղ սկսել անկողմնակալ, թափանցիկ և անկախ հետաքննություն»։