Հայաստանը, Կիպրոսն ու Հունաստանը մերժել են ՄԱԿ-ի ԳԱ նախագահի պաշտոնին թուրք գործչի առաջադրումը

Հայաստանը, Հունաստանը և Կիպրոսը դեմ են հանդես եկել ՄԱԿ-ի Գլխավոր ասամբլեայի նախագահի պաշտոնին թուրք թեկանածուի առաջադրմանը. հայտնում է AHVAL գործակալությունը։

ԳԱ նախագահը պաշտոնավարում է մեկ տարի և այս տարի պետք է նոր նախագահ ընտրվի։ Առաջադրված են 5 թեկնածուներ, որոնցից մեկը Թուրքիայից է։ Թուրք թեկնախուն Վոլքան Բոզքըրն է, ով նախկինում Թուրքիայում զբաղեցրել է եվրոպական հարցերով նախարարի պաշտոնը։

Բոզքըրը Թուրքիայում իշխող Արդարություն և Զարգացում կուսակցության անդամ է և պետք էր զբաղեցներ ԳԱ նախագահի պաշտոնը 2020 թ. սեպտեմբերին, սակայն այդ հարցն արդեն հարցականի տակ է։

Ի դեպ երեք երկրներն ավելի վաղ աջակցել էին թուրք թեկնածուի առաջադրմանը, սակայն հետո որոշել են մերժել թեկնածությունը։

Երեք պետություններն ունեն պատմական թշնամություն Թուրքիայի հետ. հայերի և հույների ցեղասպանություն, Կիպրոսի մի մասի բռնազավթում, ցեղասպանության ժխտում, տարածքային պահանջներ և բռնազավթում։ Երեք երկրները թեկնածությունը մերժել են «լռության գործընթացի ժամանակ», որի ընթացքում պետություններն իրավունք ունեն 72 ժամվա ընթացքում իրենց առարկությունները հայտնել։

Նշենք, որ վերջին ժամանակներում հույն-թուրքական հարաբերությունները վատթարացել են հատկապես Կիպրոսի ջրերում թուրքական ապօրինի գործողությունների, հունական օդային տարածքները խախտելու և Թուրքիայից փախստականների հոսքի պատճառով։