Աբխազիայի նորընտիր նախագահի երդման արարողությունը տեղի կունենա հոկտեմբերի 9-ին

Աբխազիայի՝ երկրորդ ժամկետով ընտրված նախագահ Ռաուլ Հաջիմբայի երդման արարողությունը տեղի կունենա հոկտեմբերի 9-ին Սուխումում: Այս մասին սեպտեմբերի 23-ին հայտնել է նախագահի աշխատակազմի ղեկավար Բեսլան Բարցիցը ՏԱՍՍ-ին տված հարցազրույցում. հայտնում է Rambler.ru-ն:

Ըստ Բարցիցի՝ երդման արարողությունը տեղի կունենա օրենքի համաձայն` նախագահական ընտրությունների վերջնական արդյունքների հրապարակումից հետո երեսուներորդ օրը: 

Հիշեցնենք, որ Աբխազիայում նախագահական ընտրությունների երկրորդ փուլն անցկացվեց սեպտեմբերի 8-ին: Սեպտեմբերի 9-ին ԿԸՀ-ն հայտարարեց վերջնական արդյունքները. հաղթեց Հաջիմբան ՝ հավաքելով ձայների 47,39%-ը:

Ընտրությունների երկրորդ փուլ չանցած ընդդիմադիր Ալխաս Կվիցինիան վարչական վարույթ է հարուցել Աբխազիայի Գերագույն դատարանում` անվավեր ճանաչելու համար Կենտրոնական ընտրական հանձնաժողովի որոշումը ընտրությունների արդյունքների վերաբերյալ:

Դատարանը քննել է Կվիցինիայի հայցը և սեպտեմբերի 20-ին ԿԸՀ որոշումը ճանաչել օրինական: