Բիբիլովը և Միլլերը քննարկել են Հարավային Օսիայի գյուղերի գազիֆիկացման ծրագիրը

Սեպտեմբերի 23-ին Հարավային Օսիայի Նախագահ Անատոլի Բիբիլովը հանդիպել է «Գազպրոմ»-ի վարչության նախագահ Ալեքսեյ Միլլերի հետ: Կողմերը քննարկել են համագործակցության հեռանկարները, մասնավորապես՝ հանրապետության մարզերի գազիֆիկացման ծրագրի իրականացումը: Այս մասին հայտնում է Regnum.ru-ն՝ հղում անելով Հարավային Օսիայի նախագահի մամուլի ծառայության տարածած հաղորդագրությանը:

Բիբիլովը և Միլլերը քննարկել են պայմանները, որոնց միջոցով կարելի է իրականացնել շուրջ 200 բնակավայրի գազիֆիկացման նախագիծը, ներառյալ ՝ ավելի քան 520 կմ միջբնակավայրային գազատարներն ու 370 կմ ներգյուղական գազատարները:

2009-ի օգոստոսին «Գազպրոմ» -ը շահագործման է հանձնել «Ձուառիկաու-Ցխինվալ» գազի գազատարը՝ Ռուսաստանից Հարավային Օսիա գազի ուղղակի մատակարարման համար: 2010-ի ապրիլին «Գազպրոմ»-ը և Հարավային Օսիայի կառավարությունը ստորագրել են համագործակցության պայմանագիր՝ մինչև 2029 թվականը:

2018 թվականի նոյեմբերին ուժի մեջ է մտել Հարավային Օսիայի և Ռուսաստանի կառավարությունների միջև բաժնետոմսերի ձեռք բերման և վաճառքի պայմանների և «Գազպրոմ-Հարավային Օսիա» ԲԲԸ-ի հետագա գործունեության մասին համաձայնագիրը. հայտնում է Res լրատվական գործակալությունը:

Նշվում է նաև, որ  2020 թվականին Rosseti FGC UES-ը կսկսի մալուխային գծի կառուցումը «Հյուսիսային պորտալ» ենթակայանից՝ Հյուսիսային Օսիայից մինչև Հարավային Օսիա: Դա կապահովի հանրապետության էլեկտրաէներգիայի անխափան մատակարարումը: