Անգլիան կոչ է արել իր քաղաքացիներին` զգուշանալ Թուրքիա կատարելիք այցելություններից

Մեծ Բրիտանիայի արտաքին գործերի նախարարությունն իր քաղաքացիներին կոչ է արել զգուշանալ Թուրքիա կատարելիք այցելություններից: Բացի Թուրքիայից, ցուցակում են Իսպանիան, Թաիլանդը, Հունաստանը, Եգիպտոսը և 200 այլ ուղղություններ:

Հայտարարության մեջ նշվում էր, որ Թուրքիայում կա ահաբեկչության և երկրաշարժի վտանգ: Զգուշացվում է, որ Թուրքիայի մի շարք քաղաքներում տեղի ունեցած ցույցերը վերաճել են բախումների, և, որպես օրինակ,  նշվում են Ստամբուլի Իսթիքլալ պողոտայի, Բեշիքթաշի, Քադըքյոյի և Օքմեյդանի ցույցերը: Ըստ հայտարարության` վտանգ են ներկայացվում նաև փողոցային շները. հաղորդում է aydinlik.com.tr կայքը:

Նախարարությունը կոչ է անում հեռու մնալ նաև թուրք-սիրիական սահմանից` առնվազն 10 կմ տարածությամբ, և զգուշացնում, որ ԻՊ-ի և ՔԱԿ-ի (Քուրդիստանի աշխատավորական կուսակցության) զինված հարձակումները շարունակվում են: