Սահմանին վիրավորում ստացած զինծառայող Վլադիմիր Օսիպյանն իրեն լավ է զգում

Հայ-ադրբեջանական սահմանագոտում հուլիսի 28-ին վիրավորում ստացած պայմանագրային զինծառայող, կրտսեր սերժանտ Վլադիմիր Օսիպյանի կյանքին վտանգ չի սպառնում: Այս մասին ֆեյսբուքյան իր էջում գրել է «Լուսավոր Հայաստան» կուսակցության` Տավուշի մարզային խորհրդի նախագահ Սարգիս Ալեքսանյանը, որն այցելել է զինծառայողին:

«Փառք Աստծո, մեր մարտիկի կյանքին և առողջությանը վտանգ չի սպառնում և գտնվում է զինվորականին հարիր հոգեպես բարձր մակարդակի վրա:

Առողջություն և արագ ապաքինում եմ մաղթում հայրենիքի պաշտպանության ժամանակ վիրավորում ստացած բոլոր քաջարի հայորդիներին»,- գրել է Ալեքսանյանը։

Ավելի վաղ հայտնել էինք, որ հուլիսի 28-ին  ձախ արմնկային շրջանում հրազենային վնասվածքով Նոյեմբերյանի ԲԿ է տեղափոխվել 33-ամյա պայմանագրային զինծառայող: Նա վիրավորվել է Ադրբեջանի զինուժի կրակոցից: