Հանգստի մեկնած բրիտանացիները պատահաբար շատ վտանգավոր միջատ են «ներմուծել» Թուրքիայից

Բրիտանական ընտանիքը Թուրքիայում հանգստից հետո իրենց ճամպրուկը մտած մեղու են տարել Միացյալ Թագավորություն, որը, մասնագետների կարծիքով, կարող է վտանգավոր լինել տեղական տեսակների համար. հայտնում է Daily Mail-ը:

Նշվում է` կենդանատեսակը Թուրքիայի Դալաման քաղաքից Բրիտանիայի Բրիստոլ քաղաք են «ներմուծել» մեկ շաբաթ առաջ:  Վերադառնալուց հետո 49-ամյա Էշլի Թոյը տարօրինակ  բոժոժ է գտել` պատրաստված ծաղկի թերթիկներից, իսկ արդեն հաջորդ օրը Էշլիի 19-ամյա դուստրը տան մոտ անսովոր բզեզ է նկատել: Աղջիկն ուսումնասիրություն է անցկացրել ու պարզել, որ հայտաբերված բզեզը պատկանում է osmia avosetta մեղուների դասին, որը հանդիպում է միայն Թուրքիայի և Իրանի տարածքում:

Հաղորդվում է, որ ընտանիքը կապ է հաստատել Բրիտանական մեղվապահների ասոցիացիայի հետ, որոնք` իրենց հերթին, Մեծ Բրիտանիայի բնապահպանության նախարարության (DEFRA) և Ազգային մեղվապահների ասոցիացիայի:

Թերթը գրում է նաև, որ մինչ փորձագետները ուսումնասիրում են այդ հարցը, բրիտանացիների կողմից բերված մեղուները շարունակում են ձվադրումը:  

«Ամեն առավոտ նա (մեղուն) թռչում է, երբ մենք բացում ենք դուռը, հետո սկսում է թռչել հետ ու առաջ: Ես երբեք նման բան չեմ տեսել ...», - ասել է Թոյի ամուսինը` նշելով, որ գործը, հավանաբար, լուրջ կլինի, եթե բնապահպանության նախարարությանը չներգրավվի: