Անկարայում վիրավորված բելառուսցի դիվանագետի առողջական վիճակում դրական դինամիկա է նկատվում

Անկարայում  հարձակման հետևանքով հրազենային վիրավորում ստացած բելառուսցի դիվանագետը նախկինի պես վերակենդանացման բաժանմունքում է, սակայն արդեն մյուս շաբաթ նրան կարող են տեղափոխել սովորական հիվանդասենյակ, քանի որ նրա առողջական վիճակում դրական դինամիկա է նկատվում: Այդ մասին РИА Новости-ին ասել է Թուրքիայում Բելառուսի դեսպան Անդրեյ Սավինիխը:

Հիշեցնենք, որ Բելառուսի ԱԳՆ-ի համաձայն`  դիվանագետի ուղղությամբ մի քանի անգամ կրակել է հոգեկան ոչ առողջ վիճակում գտնվող տեղացի:   Գերատեսչության աղբյուրի համաձայն` խոսքը Ալեքսանր Պոգանշևի մասին է:

Թուրքիայի ԱԳՆ ղեկավար Մևլութ Չավուշօղուի խոսքով` հետաքննություն է ընթանում, քաղաքական դրդապատճառ չի դիտարկվում: