Ջոֆրին և Աքարը քննարկել են Սիրիայում տեղի ունեցող իրադարձությունները

Թուրքիայի պաշտպանության նախարար Հուլուսի Աքարը հանդիպել է երկրում պաշտոնական այցով գտնվող ԱՄՆ-ի` Սիրիայի հարցով հատուկ ներկայացուցիչ Ջեյմս Ջոֆրիի հետ. հաղորդում է haber.sol.org.tr կայքը:

Թուրքիայի ՊՆ տարածած հաղորդագրության մեջ նշված է. «Աքարը Ջոֆրիի հետ հանդիպման ժամանակ քննարկել է Եփրատի արևելքում անվտանգության գոտու ստեղծումը և Սիրիայում վերջին շրջանում տեղի ունեցող իրադարձությունները: Աքարն իր անհանգստությունն է հայտնել ամերիկացի բարձրաստիճան պաշտոնյաների և ահաբեկչական խմբավորումների պարագլուխների (քրդերի) միջև Սիրիայում կայացած հանդիպումների վերաբերյալ: Կողմերը համաձայնության են եկել, վաղվանից սկսած, շարունակել երկու երկրների ռազմական պատվիրակությունների միջև համատեղ աշխատանքները»: