Բաքուն և Թեհրանը քննարկել են Հարավային Կովկասում տեղի ունեցող իրադարձությունները

Ադրբեջանում Իրանի դեսպան Սեյիդ Աբբաս Մուսևին այսօր հանդիպել է Ադրբեջանի փոխարտգործնախարար Սամիր Շարիֆովի հետ։ Այս մասին տեղեկություն է տարածել Ադրբեջանում Իրանի դեսպանատունը։ Հանդիպմանը քննարկվել են երկկողմ հարաբերությունների վերջին զարգացումները։

Քննարկվել են նաև քաղաքական, տնտեսական, ռազմական, էներգետիկ և տրանսպորտային ոլորտներում համատեղ նախագծերը, բանկային և հյուպատոսական հարցերը, նաև այլ ոլորտներին առնչվող երկկողմ հարաբերությունները։

Անդրադարձ է կատարվել նաև հարավկովկասյան տարածաշրջանում տեղի ունեցող զարգացումներին, Ադրբեջանի և Հայաստանի միջև կայուն խաղաղության հասնելու ջանքերին, տարածաշրջանային համագործակցությանը և կանոնավոր քաղաքական խորհրդակցությունների ձևաչափերին։