Թեև աշխարհում կարմրուկը տարածվում է, բայց Հայաստանում իրավիճակը դեռ շարունակում է մնալ բարենպաստ

ՀՀ առողջապահության նախարարության Հիվանդությունների վերահսկման և կանխարգելման ազգային կենտրոնի գլխավոր տնօրենի խորհրդական Գայանե Սահակյանը ֆեյսբուքյան իր էջում գրել է. 

«Կարմրուկն արդեն տարածվում է, որպես տեղական դեպքեր Առողջապահության համաշխարհային կազմակերպության բոլոր 6 տարածաշրջաններում։ Միայն 2019թ. առաջին եռամսյակում ունենք 300% աճ։

Հայաստանում իրավիճակը դեռ շարունակում է մնալ բարենպաստ: Այս տարվա սկզբից գրանցվեց 4 բերովի դեպք՝ երկուսը համաճարակաբանորեն կապված էին Վրաստանի, երկուսը՝ Ուկրաինայի հետ: Շնորհիվ պատվաստումների Հայաստան երկիրը դեռ պահպանում է կարմրուկից և կարմրախտից էլիմինացված կարգավիճակը:

Լավ կլինի՝ գնահատենք մեր հաջողությունը»: