Թրաֆիքինգի դեմ պայքարում Հայաստանը հաջողում է, թեև խնդիրներ դեռ կան

Մարդկանց թրաֆիքինգի դեմ պայքարի վերաբերյալ ԱՄՆ պետքարոտւղարության տարեկան զեկույցն արդեն հրապարկվել է: 2013 թվականի տվյալներով` Հայաստանը շարունակել է մնալ առաջին խմբում, այսինքն` դրական է գնահտվել պետության կողմից թրաֆիքինգի դեմ պայքարի քայլերը:

Զեկույցում նշվում է, որ Հայաստանը սկզբնաղբյուր և, ավելի փոքր ծավալով, վերջնակետ երկիր է թրաֆիքինգի ենթարկվող տղամարդկանց, կանանց և երեխաների համար, մասնավորապես կանանց և տղամարդկանց հարկադիր աշխատանքի և սեռական թրաֆիքինգի մասով. ահագնացող խնդիր է կանանց և երեխաների սեռական ու աշխատանքային թրաֆիքինգը երկրի ներսում:

Հայ կանայք և աղջիկները սեռական թրաֆիքինգի են ենթարկվում երկրի ներսում, Միացյալ Արաբական Էմիրություններում (ՄԱԷ) և Թուրքիայում: Հայ տղամարդիկ հարկադիր աշխատանքի են ենթարկվում Ռուսաստանում և, ավելի փոքր ծավալով, Թուրքիայում: Հայ կանայք և երեխաները երկրի ներսում խոցելի են համարվում մուրացկանության մեջ ներգրավվելու տեսանկյունից:

Որոշ երեխաներ երկրի ներսում աշխատում են գյուղատնտեսության, շինարարության և ծառայությունների մատուցման ոլորտներում: Մարդկանց թրաֆիքինգի առումով խիստ խոցելի են մնում գյուղական բնակավայրերի կրթական ցածր մակարդակ ունեցող տղամարդիկ և խնամատար հաստատությունների երեխաները:

Թեև վերոնշյալ խնդրին, զեկույցում նշվում է նաև, որ Հայաստանի կառավարությունն ամբողջությամբ բավարարում է թրաֆիքինգի վերացման նվազագույն չափանիշներին: 2013թ. հակաթրաֆիքինգային քաղաքականությանը, օրենսդրությանն ու պրակտիկային առնչվող հարցերում առկա բացերի մեղմմանն ուղղված աշխատանքներում բարելավվել է համակարգումն ու համագործակցությունը կառավարության բոլոր ճյուղերի միջև: