Շրջակա միջավայրի նախարարի օգնականը` ՄԱԿ-ում զեկուցում կներկայացնի

Ս․թ․ հունիսի 17-27-ը Գերմանիայի Բոնն քաղաքում ՀՀ պատվիրակությունը`շրջակա միջավայրի նախարարի օգնական Հայրապետ Հակոբյանի գլխավորությամբ, մասնակցում է ՄԱԿ-ի Կլիմայի փոփոխության շրջանակային կոնվենցիայի Օժանդակ Մարմնի 50-րդ նիստին, որի ընթացքում քննարկվում են Փարիզի համաձայնագրի դրույթների կատարման առաջընթացները և ընդունվում որոշումներ համաձայնագրի նպատակների իրականացման համար: Այս մասին տեղեկանում ենք շրջակա միջավայրի նախարարության լրատվական ծառայությունից:

Նիստի շրջանակներում տեղի է ունեցել նաև կարծիքների փոխանակման աշխատաժողով, որի ընթացքում ներկայացվել է Հայաստանի Երկամյա առաջընթացի երկրորդ զեկույցը։

Նիստի արդյունքները հիմք կհանդիսանան ս․թ․ դեկտեմբերին Չիլիի Սանտիագո քաղաքում կայանալիք 25-րդ համաժողովի օրակարգային հարցերի քննարկման համար։