Վրաստանում դադարեցվել է Ուղղափառության միջխորհրդարանական վեհաժողովի նիստը

Արդեն տեղեկացրել ենք, որ Վրաստանի խորհրդարանում անցկացվող`Ուղղափառության միջխորհրդարանական վեհաժողովի ժամանակ սկանդալ է տեղի ունեցել: Վրացի  ընդդիմադիր պատգամավորներին դուր չի եկել, որ Ռուսաստանի Պետդումայի պատգամավոր Սերգեյ Գավրիլովը, որը նախագահում է նիստը, նստել է Վրաստանի խորհրդարանի խոսնակի տեղում:

Գավրիլովը պատմել է, որ այդ միջադեպից հետո նիստը դադարեցվել է, ՌԴ պատվիրակությունը լքել է խորհրդարանի շենքը: Նա նաև հայտնել է, որ վրացի ծայրահեղականները ջուր են լցրել իր վրա և փորձել խլել փաստաթղթերը:

Հավելենք, որ վեհաժողովին մասնակցում էր նաև ՀՀ պատվիրակությունը, որը նույնպես լքել է դահլիճը: