Ադանայում թուրքերը 35 քուրդ երիտասարդների են ձերբակալել

Ադանայի հանրապետական գլխավոր դատախազության հայտարարության համաձայն` Թուրքիայում ահաբեկչական համարվող Քուրդիստանի աշխատավորական կուսակցության և Քուրդիստանի համայնքների միության երիտասարդական կառույցների դեմ ուղղված հետաքննությունների ընթացքում Ադանայի նահանգային ոստիկանության ահաբեկչության դեմ պայքարի բաժնի ստորաբաժանումների կողմից գործողություններ են իրականացվել Ադանայում, Անթալիայում, Նիղդեում և Մարդինում. հաղորդում է «Անադոլու» գործակալությունը:

Ահաբեկչական հանցանքների հետաքննության բյուրոյի կողմից տրված ձերբակալությունների որոշմամբ` 35  մարդ է ձերբակալվել, որոնցից 7-ը 18 տարեկանից փոքր են: 5 հոգու նկատմամբ շարունակվում են հետախուզական աշխատանքները:

Հայտարարության մեջ նշվում է, որ նրանք ՔԱԿ/ՔՀՄ երիտասարդական կառույցներում գործունեություն են ծավալել, պատերին գրառումներ արել` քարոզչություն իրականացնելով, և տարբեր տեսակի պայթուցիկ նյութեր պատրաստել: