Քաթարը քննադատել է հակաիրանական հայտարարությունները, որոնք ընդունվել են Մեքքայում

Քաթարը  համաձայն չէ հակաիրանական հայտարարությունների հետ, որոնք ընդունել են Սաուդյան Արաբիայում անցկացված արաբական պետությունների առաջնորդների գագաթնաժողովի մասնակիցները: Այս մասին հայտարարել է Քաթարի ԱԳ նախարար Մուհամեդ բեն Աբդել Ռահման ալ Թանին. հայտնում է ТАСС-ը:

Ուրբաթ Մեքքայում տեղի էին ունեցել Արաբական պետությունների լիգայի և Պարսից ծոցի արաբական պետությունների համագործակցության խորհրդի առաջնորդների արտահերթ հանդիպումները, որոնց մասնակիցները դատապարտել էին տարածաշրջանում Իրանի «ագրեսիվ գործողությունները» և երկրի  միջամտությունը արաբների ներքին գործերին:

«Քաթարն առարկություններ ունի ԱՊԼ և ՊԾԱՊՀԽ գագաթնաժողովների արդյունքներով ընդունված հայտարարությունների կապակցությամբ, որովհետեւ դրանց որոշ կետեր հակասում են Դոհայի արտաքին քաղաքականությանը»,- Al Araby -ին ասել է երկրի ԱԳ նախարարը:

Մի շարք արաբական երկրներ, այդ թվում` Սաուդյան Արաբիան, ԱՄԷ-ն  և Բահրեյնը, հետագայում Քաթարին քննադատել են հակաիրանական դիրքորոշման հետ համաձայն չլինելու համար: