Ավստրիայի նախագահը պաշտոնանկ է արել Կուրցի կառավարությանը

Ավստրիայի նախագահ Ալեքսանդր Վան դեր Բելենը պաշտոնանկ է արել երկրի կառավարությանը` Սեբաստիան Կուրցի գլխավորությամբ. հայտնում է РИА Новости-ն:

Մինչև արտահերթ խորհրդարանական ընտրությունները կանցլերի պարտականությունները կկատարի ֆինանսների նախարարը:

Հիշեցնենք, որ երեկ խորհրդարանը անվստահություն էր հայտնել Կուրցին` սկանդալային տեսանյութի հետ կապված: Ավելի վաղ Spiegel և Sueddeutsche Zeitung պարբերականներ, իրենց տրամադրության տակ գտնվող տեսանյութին հղումով, հայտնեցին, որ արդեն նախկին փոխկանցլեր Հայնցե Քրիստիան  Շտրախեն 2017-ին քննարկել է ենթադրաբար ռուսաստանցի Ալյոնա Մակարովայի հետ նրա կողմից ավստրիական Kronen Zeitung պարբերականի գնումը, որպեսզի օժանդակություն ստանա նախատեսվող ընտրությունների ժամանակ: