Ես կցանկանայի լուծել այդ հարցը մինչև տարեվերջ. Փաշինյանը` գազի գնի մասին

Հայաստանն ակնկալում է  մինչև տարեվերջ գազի գնի նվազեցման շուրջ պայմանավորվածություն ձեռք բերել «Գազպրոմ» ընկերության հետ: Այս մասին ռուս լրագրողների հետ հանդիպման ժամանակ ասել է ՀՀ վարչապետ Նիկոլ Փաշինյանը. տեղեկացնում է ТАСС-ը:

«Վստահ եմ, որ իրատեսական է (իջեցնել գազի գինը-խմբ.): Հարցը միայն գազի` առանձին վերցված գինը չէ, այս հարցը վերաբերում է ԵԱՏՄ-ի արդյունավետությանը: Ըստ էության, մենք արդեն պայմանավորվածություն ունենք, որ ստեղծվելու է միասնական էներգետիկ շուկա, և մեր առաջարկները համապատասխանում են այդ բանակցությունների տրամաբանությանը: Գազի և էներգառեսուրսների ոչ խտրական գները չափազանց կարևոր են ԵԱՏՄ-ի արդյունավետության համար»,- ասել է նա:

«Ես կցանկանայի լուծել այդ հարցը մինչև տարեվերջ»,- հավելել է Փաշինյանը: