Իսրայելում հարձակվել են Լեհաստանի դեսպանի վրա

Իսրայելի մայրաքաղաք Թել Ավիվում տեղակայված Լեհաստանի դեսպանատան մոտ տղամարդը հարձակվել է երկրում Լեհաստանի արտակարգ և լիազոր դեսպան Մարեկ Մագերովսկիի վրա: Այս մասին տեղեկացնում է Ynet-ը:

Ըստ լրատվամիջոցի` Մագերովսկին կանգնած է եղել դեսպանատան մոտ, երբ նրան վրա հարձակվել են: Դեսպանը հայտարարել է, որ հարձակվողի խոսքերից միայն հասկացել է՝ «լեհ է, լեհ է» արտահայտությունը:

Դեպքի առթիվ Լեհաստանի դեսպանությունը հաղորդում է ներկայացրել Իսրայելի ոստիկանություն, իսկ դեսպանը բողոք է ներկայացրել Իսրայելի արտգործնախարարություն:

Մագերովսկիի կողմից արված լուսանկարի շնորհիվ Իսրայելի իրավապահները բերման են ենթարկել հարձակում գործած տղամարդուն: