Ադրբեջանը բողոք է հղել «Թվիթեր»-ին

Ադրբեջանում գործունեություն ծավալող, այսպես կոչված, «Լեռնային Ղարաբաղի ադրբեջանական հանրություն» կազմակերպությունը բողոքի է հղել «Թվիթեր» սոցիալական կայքին: Պատճառն այնն է, որ «Թվիթեր»-ը փակել էր վերոնշյալ կազմակերպության անձնական հաշիվը (աքաունթ) հայերի բողոքի հիման վրա. հաղորդում է ադրբեջանական Trend գործակալությունը:

Կազմակերպությունը բողոքի նամակ է ուղարկել «Թվիթեր»-ին այս որոշման վերաբերյալ, որը, սակայն, մնացել է անպատասխան: «Եթե «Թվիթեր»-ն ընդունում է հայերի բողոքները, աչք փակելով մեր մեկ միլիոն քաղաքացիների իրավունքի վրա, ուրեմն նմանատիպ` երկակի ստանդարտներով որոշումը միայն խղճահարություն է հարուցում»,- նշված է կազմակեպության տարածած հայտարարության մեջ: