Ֆեյսբուքյան կեղծ օգտատեր է ձերբակալվել. ԱԱԾ տնօրեն

Այսօր լրագրողների հետ զրույցում ԱԱԾ պետ Արթուր Վանեցյանը անդրադարձել է Նիկոլ Փաշինյանի ազգականի նկատմամբ քրեական գործ հարուցելու փաստին:

ԱԱԾ պետը նախ նշեց, որ այդ գործով իրականացվում է նախաքննություն, ուստի չի կարող շատ մանրամասներ հայտնել:

«Հոդվածը կեղծ փաստաթղթերի օգտագործումն է, գործը Քննչական կոմիտե է փոխանցվել»,- ասաց Արթուր Վանեցյանը:

Ինչ վերաբերում է ֆեյք օգտատերերի դեմ պայքարին, նա նշեց, որ այսօր ձերբակալվել է մեկ անձ, որը ֆեյսբուքում  ակնհայտ ապատեղեկատվություն էր տարածում, դա «դուխով Հայաստան բաց հասարակություն» էջն է: Հարուցվել է քրեական գործ՝ ռասսայական, կրոնական և ազգային ատելություն սերմանելու հատկանիշներով, մնացած մանրամասները ԱԱԾ մամուլի կենտրոնը կտրամադրի: