Google+-ն ունի 10 միլիոն օգտատեր

Մոտ երկու շաբաթ առաջ գործարկված Google+ սոցիալական ցանցի օգտատերերի թիվն արդեն հասնում է 10 միլիոնի: Իսկ օրական այս ցանցում փոխանակվում է մեկ միլիարդից ավելի հաղորդագրություն: Այս մասին հայտարարել են Google-ի հիմնադիրները: Նրանք շեշտել են նաեւ, որ ցանցը դեռեւս փորձնական փուլում է եւ դրան կարելի է միանալ միայն հրավերի միջոցով:

Նշենք, որ այսօր հրապարկվել է նաեւ Google-ի եռամսյակային հաշվետվությունը, որին անհամբերությամբ սպասում էին այս ոլորտով հետաքրքրվող ներդրողներն ու վերլուծաբանները: Համաձայն դրա` այս տարվա առաջին եռամսյակում Google-ի մաքուր շահույթը կազմել է 4.304 մլրդ դոլար: Այն 13.4%-ով ավելի է` նախորդ տարվա նույն ժամանակահատվածի համեմատությամբ:

Հիշեցնենք, որ ընկերության շահույթի աճը վերլուծաբանները պայմանավորում են նաեւ նոր գործարկված ցանցով. դրա շնորհիվ ընկերության արժեքը շուկայում աճել է շուրջ 20 միլիարդ դոլարով: