Ավստրալիայում քրեական պատասխանատվություն է նախատեսվում սոցիալական ցանցերում իրական բռնության տեսարաններ հրապարակելու համար

Ավստրալիայի խորհրդարանն օրենք է ընդունել, համաձայն որի` քրեական պատասխանատվություն է նախատեսվում`  ընդհուպ բանտարակություն, սոցիալական ցանցերի այն օգտատերերի համար, որոնց պատկանող հարթակներով կհեռարձակվեն իրական բռնության տեսարաններ: Այս մասին տեղեկացնում է Associated Press-ը:

Քննադատները նախազգուշացնում են, որ նմանատիպ օրենքները կարող են անկանխատեսելի հետևանքներ ունենալ, այդ թվում՝ լրատվամիջոցների գրաքննություն, ինչպես նաև Ավստրալիայում ներդրումների կրճատում:

Հավելենք, որ օրինագիծն ուժի մեջ է մտել այն բանից հետո, երբ Նոր Զելանդիայի մզկիթներում կատարված սպանդի հետևանքով մահացել էր 50 մարդ, իսկ ավելի քան 30-ը վիրավորվել: Ավստրալիայի քաղաքացի ահաբեկիչն ուղիղ հեռարձակում էր կատարել ֆեյսբուքյան իր էջում: