Ալիևը Պուտինին է ներկայացրել Փաշինյանի հետ հանդիպման գնահատականները

ՌԴ նախագահ Վլադիմիր Պուտինը և Ադրբեջանի ղեկավար Իլհամ Ալիևը հեռախոսազրույց են ունեցել: Այդ մասին հայտնում է Կրեմլի պաշտոնական կայքը:

Նշվում է, որ Ալիևը  Պուտինին ներկայացրել է Վիեննայում ՀՀ վարչապետ Նիկոլ Փաշինյանի հետ հանդիպման գնահատականները:

Պուտինն ընդգծել  է Բաքվի ու Երևանի միջև բանակցային  գործընթացն ակտիվացնելու կարևորությունը:  Նա նշել է, որ Ռուսաստանը պատրաստ է ապագայում ևս  աջակցություն ցուցաբերել  ԼՂ հակամարտության խաղաղ լուծման ուղիների որոնմանը, մասնավորապես` ԵԱՀԿ ՄԽ ձևաչափով:

Քննարկվել են նաև երկկողմ օրակարգի հարցեր:

Հավելենք, որ երեկ կայացել էր Փաշինյան-Պուտին հեռախոսազրույցը, որի ընթացքում էլ քննարկվել էր ԼՂ հակամարտության թեման: