ՌԴ ԱԳՆ-ն արձագանքում է Չավուշօղլուի` ներքին անձնագրերով Թուրքիա այցելելու մասին հայտարարությանը

ՌԴ ԱԳՆ պաշտոնական ներկայացուցիչ Մարիա Զախարովան ավանդական ճեպազրույցում անդրադարձել է Թուրքիայի արտգործնախարարի` օրերս արած հայտարարությանը, որ ՌԴ քաղաքացիները հնարավոր  է կարողանան ներքին անձնագրերով այցելել Թուրքիա, և որ այդ ուղղությամբ բանակցություններ են տարվում:

Նա նշել է, որ տվյալ հարցը նախկինում արդեն բարձրացվել է Թուրքիայի կողմից,  ՌԴ-ն պարզաբանել է,  որը գաղափարի իրականացումը բարդ է մի շարք պատճառներով: «Դա կապված է իրավական կողմի հետ: Հայտնի է, որ ռուսական օրենսդրությամբ համաքաղաքացիական անձնագրի կիրառման տարածքը սահմանափակվում  է Ռուսաստանի Դաշնությամբ»,- ասել է Զախարովան:

Ըստ նրա` կարող է առաջանալ լեզվի իմացության խնդիր: «Օրինակ`  Թուրքիայի սահմանը հատելուն պես խնդիր կառաջանա` կապված ներքին ռուսական անձնագրում տեղ գտած տեղեկությունները հասկանալու հարցում: Միևնույն ժամանակ, մենք խնդիր չենք տեսնում արտասահմանյան անձնագրերի կիրառման հարցում»,- նշել է Զախարովան: