ԱԺ մաքրուհիներն այսօր նույնպես դժգոհում էին

Ազգային ժողովի մաքրուհիները առավոտյան դժգոհում էին ԱԺ փոխնախագահ Վահե Էնֆիաջյանին, որ իրենց նախապես չեն ասել, թեր աշխատավարձն իջեցնելու են: «Ուրբաթ օրն են ասել, որ 40 հազար պիտի ստանանք»,- ասում էին նրանք:

Պատգամավորը լսեց մաքրուհիների բողոքը, ապա խնդրեց նրանցից երկուսին` թողնել կոնտակտներ, որպեսզի նիստից հետո կարողանա խոսել նրանց հետ խնդրի շուրջ:

Մաքրուհիները պնդում են, որ իրենք չեն ցանկանում երկու ժամից ավելի աշխատել` պահանջելով պահպանել իրենց նախկին աշխատավարձը:

Հիշեցնենք, որ նախկինում ԱԺ շենքի մաքրությունը երկու ժամ ապահովող մաքրուհիները վճարվել են 65 հազար դրամ, մինչդեռ ԱԺ նոր ղեկավարությունը շենքի մաքրության ապահովման համար պայմանագիր է կնքել մասնավոր «Քլիներս» ՍՊԸ-ի հետ, որն իր պարտականությունների կատարմանն անցնելու է ապրիլի 1-ից ու հայտարարել է, որ իր հաշվարկով, 105 հազար դրույքաչափը պահպանելով, երկու ժամ աշխատելու դեպքում մաքրուհիների աշխատավարձը 40 հազար դրամ է կազմում: