Թաիլանդի դատարանը արքայադստերը վարչապետի պաշտոնում առաջադրող կուսակցությունը լուծարելու որոշում է կայացրել

Թաիլանդի Սահմանադրական դատարանը պահանջել է այն ընդդիմադիր կուսակցության լուծարումը, որը թագավորի քրոջը մարտի 24-ին կայանալիք ընտրությունների համար առաջադրել էր որպես վարչապետի թեկնածու. հաղորդում է Reuters-ը:

«Դատարանը պահանջել է լուծարել կուսակցությունը»,- ասել է դատավոր Թաուիիքիեթ Մեենականիթը` միևնույն ժամանակ արգելելով «Թաի Ռաքշկա Չարթ» կուսակցությանը` զբաղվել քաղաքականությամբ 10 տարի ժամկետով:

Հավելենք, որ ընտրական հանձնաժողովը հայցել է դատարանին` լուծարել կուսակցությունն այն բանից հետո, երբ  այն արքայադուստր Ուբոլրատանա Ռաջականյա Սիրիվադհանա Բարնավադիին վարչապետի թեկնածուի պաշտոնում  է առաջադրել 2014 թվականի հեղաշրջումից հետո: