Գերմանացի գործարարները ծանոթացել են ՀՀ-ի հետ տնտեսական համագործակցության հնարավորություններին

Սննդամթերքի և խմիչքի արդյունաբերության մեջ կիրառվող մեքենաներ և սարքավորումներ արտադրող գերմանական ընկերությունների հինգ հոգանոց պատվիրակությունը գործնական կապեր ստեղծելու նպատակով փետրվարի 18-ից 22-ը այցելել էր Հայաստան։ Այս մասին տեղեկանում ենք ՀՀ-ում Գերմանիայի դեսպանության ֆեյսբուքյան էջից:

ԳԴՀ տնտեսության և էներգետիկայի դաշնային նախարարության հանձնարարությամբ կազմակերպված այցի շրջանակում հինգ միջին ձեռնարկությունների ներկայացուցիչները հանդիպել են նաև ՀՀ տնտեսական զարգացման և ներդրումների նախարար Տիգրան Խաչատրյանին և առաջին ձեռքից տեղեկացել տնտեսական համագործակցության հնարավորությունների մասին։

Նրանք հանդիպել են նաև Հայաստանի սննդարդյունաբերության ոլորտի ձեռնարկությունների մի շարք ներկայացուցիչների հետ։

Այցի ավարտին գերմանացի գործարարները դրական կարծիք են արտահայտել արդյունքների վերաբերյալ։