Թուրքիան և Ադրբեջանը բավական հաճախ են հանդես գալիս որպես մեկ պետություն. Չավուշօղլու

Եթե Թուրքիան էլ ներկայացված չլինի, Անկարան ներկայացված է Ադրբեջանի նախագահ Իլհամ Ալիեւի գլխավորությամբ, հայտարարել է Թուրքիայի արտգործնախարար Մևլութ Չավուշօղլուն Վաշինգտոնում ադրբեջանցի եւ թուրք ուսանողների հետ հանդիպման ժամանակ:

Ադրբեջանական Trend.az կայքը տեղեկացնում է, որ արտաքին գործերի նախարարը նշել է, որ, լինելով երկու պետություն, Թուրքիան եւ Ադրբեջանը, որպես մեկ ազգ, հաճախ հանդես են գալիս որպես միասնական պետություն:

Չավուշօղլուն ասել է, որ երկու երկրների հարաբերությունները բարձր մակարդակի վրա են, եւ այդ համագործակցությունն ուղղված է տարածաշրջանի շահերի զարգացմանը:

«Այսօր Թուրքիան եւ Ադրբեջանը իրականացնում են մի շարք կարեւոր ծրագրեր, ինչպիսիք են TANAP-ը եւ Բաքու-Թբիլիսի-Կարս երկաթգիծը»,- մանրամասնել է նա:

Մեկնաբանելով Թուրքիայի, Իրանի եւ Ադրբեջանի եռակողմ համագործակցությունը` Չավուշօղլուն նշել է, որ այս ձևաչափը շատ կարեւոր է Հարավային Կովկասում կայունության ապահովման համար: