Հավայան կղզիներում առաջարկել են սիգարետ չվաճառել 100 տարեկանից փոքր մարդկանց

Հավայան կղզիների  խորհրդարանը նահանգի տարածքում 100 տարեկանից փոքր մարդկանց սիգարետի վաճառքն արգելող նոր օրինագիծ է ընդունել։ Այս մասին հայտնում է CNN-ը: 

Օրինագծում առաջարկվում է աստիճանաբար բարձրացնել սիգարետի գնման համար նվազագույն տարիքը։ 2020թ. այն կարող են բարձրացնել մինչեւ 30, 2021-ին՝ մինչեւ 40, 2022-ին՝ մինչև 50, 2023-ին՝ մինչև 60, եւ վերջապես՝ 2024-ին՝ մինչև 100 տարեկան: 

Ըստ օրենսդիր մարմնի կայքում տեղադրված փաստաթղթի՝ տարիքային ցենզի բարձրացման դրդապատճառ է դարձել առողջության համար ծխելու վտանգավորությունը։

Այս պահին Հավայան կղզիներում ծխախոտ կարող են գնել միայն 21 տարեկանը լրացած անձինք: