Փոխարժեքներ
04 04 2025
|
||
---|---|---|
USD | ⚊ | $ 391.32 |
EUR | ⚊ | € 432.53 |
RUB | ⚊ | ₽ 4.6652 |
GBP | ⚊ | £ 514.27 |
GEL | ⚊ | ₾ 141.78 |
Հայաստանը Ուկրաինայում ՀՀ դեսպանությանը կից ռազմական կցորդ կունենա։ Համապատասխան որոշման նախագիծն ընդգրկված էր կառավարության` հունվարի 24-ի նիստում` չզեկուցվող հարցերի շարքում: Հարցը գործադիրի հավանությանն է ներկայացրել պաշտպանության նախարարությունը:
Ըստ առաջարկվող նախագծի՝ Ուկրաինայում ՀՀ ռազմական կցորդի առկայության պարագայում հնարավորություն կընձեռվի նոր լիցք հաղորդելու հայ-ուկրաինական ռազմական, ռազմաքաղաքական ու ռազմատեխնիկական կապերին՝ զարգացնելով նշված ուղղություններով հայ-ուկրաինական համագործակցությունը, տեղում և ժամանակին տիրապետելու ու արձագանքելու ինչպես ՀՀ շահերին առնչվող գործընթացներին, այնպես էլ պաշտոնական ու այլ խողովակներով շրջանառվող ռազմաքաղաքական տեղեկատվությանը:
Միաժամանակ, նախագծի հիմնավորման համաձայն, Ուկրաինայում ՀՀ ռազմական կցորդություն հիմնելու դեպքում հնարավորություն կընձեռվի հետևելու արևելաեվրոպական երկրներում ընթացող ռազմական և ռազմաքաղաքական զարգացումներին ու գործընթացներին: