Թունավորումներ Արցախում՝ գազի ջրատաքացուցիչ կաթսայից արտանետված շմոլ գազից

Ս.թ. հունվարի 21-ին ժամը 01:00-ի սահմաններում, իրենց բնակարանի խոհանոցում տեղադրված գազի ջրատաքացուցիչ կաթսայից արտանետված շմոլ գազից թունավորվել և «Հանրապետական բժշկական կենտրոն» են տեղափոխվել Ստեփանակերտ քաղաքի բնակիչներ՝ 1961թ.ծնված Ն.Ա-ն և 1955թ.ծնված Հ.Ա-ն։

Ս.թ. հունվարի 20-ին ժամը 23:30-ի սահմաններում տան խոհանոցում տեղադրված գազօջախից արտանետված շմոլ գազից թունավորվել և բուժհաստատություններ են տեղափոխվել Ասկերան քաղաքի բնակիչներ՝ 2008թ. ծնված Մ. Ջ-ն 2010թ. ծնված Ա.Ջ-ն և 1986թ.ծնված Ա.Ջ-ն։ 

Ստուգմամբ զբաղվում է ԱՀ ոստիկանության Ասկերանի շրջանային բաժինը:

ԱՀ ոստիկանությունը քաղաքացիներին հորդորում է առավել զգոնություն ցուցաբերել և գազի արտանետման յուրաքանչյուր կասկածի դեպքում դիմել կամ 9-11 ծառայություն կամ 1-02։
ԱՀ ոստիկանությունն իր հերթին ՝համապատասխան կառույցների հետ մեկտեղ ակտիվացրել է այդ ուղղությամբ իրականացվող բացատրական աշխատանքները։