Փոխարժեքներ
22 10 2024
|
||
---|---|---|
USD | ⚊ | $ 387.16 |
EUR | ⚊ | € 419.99 |
RUB | ⚊ | ₽ 4.03 |
GBP | ⚊ | £ 504.2 |
GEL | ⚊ | ₾ 142.18 |
2018-ի ամռանը կառավարությունը որոշում ընդունեց, ըստ որի` ֆիզիկական անձանց ուղեկցող բեռում թույլատրելի քանակության շեմը բարձրացրեցին մինչև 50 կգ-ի: Այժմ արդեն իսկ խոսք է գնում այդ շեմը մինչև 30 կգ-ի իջեցնելու մասին:
Լրագրողների հետ հանդիպման ժամանակ ՊԵԿ նախագահ Դավիթ Անանյանը, անդրադառնալով այս թեմային, նշեց, որ իրականում, երբ որոշեցին բարձրացնել թույլատրելի բեռի կշիռը, չէին պատկերացնում, որ այն կարող է դառնալ բիզնես:
«Պատկերացրեք` Բագրատաշենում սայլակներով մոտ 300 հոգանոց բանակը գրավում է մաքսակետը, և մաքսային ծառայողներն ու սահմանապահներն իրենց վտանգված են զգում: ԱԱԾ սահմանապահ զորքերի հետ չենք կարողացել այդ բիզնեսի դեմն առնել` շատ դեպքերում չուզենալով մեր ազգաբնակչության մոտ ավելորդ հույզեր առաջացնել: Եթե մենք կոշտ գործիքակազմ կիրառեինք, այնտեղ լարվածությունը կհասներ ծայրահեղ աստիճանի: Ըստ էության, երբ փոփոխություն էինք իրականացնում և 50 կգ-ի գաղափարը ներմուծում, չէինք պատկերացնում, որ 50 կգ-ները ոչ միայն կդառնան բիզնես, այլ նաև իրական բիզնեսին կխոչընդոտեն»,- խոստովանեց Անանյանը:
ՊԵԿ նախագահի խոսքով` նախատոնական օրերին որոշ ապրանքների գնանկում ունեցանք, բայց այն իրական բիզնեսով զբաղվողների` անհասավար պայմաններում հայտնվելու հետևանքով էր: Անանյանի գնահատականով` Ամանորին գրանցվել էր գնանկում չվճարված հարկերի և չկայացած բիզնեսի հաշվին: