Լավ կլինի` առկա խնդիրները լուծենք մինչև նոր տարի. Լուկաշենկոն` Պուտինին

ՌԴ-ի և Բելառուսի հարաբերությունները սերտ են, առկա խնդիրները կարելի է լուծել, սակայն ավելի լավ է դա անել մինչ Նոր տարի, լավ չէ, երբ նոր տարում հին խնդիրներ են լինում: Այդ մասին Մոսկվայում ՌԴ նախագահ Վլադիմիր Պուտինի հետ հանդիպման ժամանակ ասել է Բելառուսի ղեկավար Ալեքսանդր Լուկաշենկոն. հայտնում է РИА Новости-ն:

«Դուք նոր ասացիք, որ կարող ենք պայմանավորվել: Ասեմ ավելին` մենք իսկապես կարող ենք պայմանավորվել… Լավ կլիներ, որ մենք այդ խնդիրները լուծեինք հիմա, և նոր տարում հին խնդիրներ չլինեին»,- նշել է նա:

Ավելի վաղ հայտնել ենք, որ ՌԴ նախագահի մամուլի խոսնակ Դմիտրի Պեսկովը հայտնել էր, որ Մինսկը սուր է դնում նավթագազային ոլորտում հարկային մանևրի հարցը, հավանաբար` ՌԴ և Բելառուսի նախագահները կքննարկեն այդ հարցում երկու երկրների մոտեցումների տարբերությունը: